Astana turǵyny dárihanada jaǵdaıy kenet nasharlap, qulap túsken adamnyń telefonyn urlady
NUR-SULTAN. QazAqparat – Krımınaldyq polıtsııa qyzmetkerleri jedel izdestirý sharalaryn júrgizý kezinde buryn sottalǵan 31 jastaǵy elorda turǵynyn ustady, dep habarlaıdy QazAqparat Nur-Sultan qalalyq polıtsııa departamentiniń baspasóz qyzmetine silteme jasap.
Tergeý barysynda anyqtalǵandaı, kúdikti kúndiz dárihanaǵa barǵan. Sol jerde kelýshilerdiń biri aýyryp, sodan keıin edenge qulap túsken.
Qyzmetkerler men basqa kelýshiler oǵan alǵashqy medıtsınalyq kómek kórsetip jatqan kezde kúdikti osy sátti paıdalanyp, er adamǵa tıesili quny 100 myń teńgelik «Samsung» markaly telefonyn urlap, belgisiz baǵytqa qashyp ketken.
Ustalǵan azamat kinásin moıyndady. Odan urlanǵan telefon tárkilenip, ıesine qaıtaryldy.
Atalǵan fakti boıynsha sotqa deıingi tergeý amaldary júrgizilip jatyr.
Ustalǵan adamnyń buryn jasalǵan osyǵan uqsas qylmystarǵa qatysy bar-joǵy anyqtalýda.
