Astana turǵyny býkmekerden sot arqyly 2 mln teńge óndirip aldy
ASTANA. QazAqparat - Astanada sot FAIR PLAY býkmekerlik keńsesinen Astana turǵynynyń paıdasyna 2 mıllıon teńgeden astam qarajat óndirdi.
Sot baspasóz qyzmetiniń aqparatynsha, astanalyq FAIR PLAY býkmekerlik keńsesiniń saıtyna tirkelgen jáne shotyn 250 000 teńgege toltyrǵan. Bul somamen ol sporttyq oıyndarǵa stavka jasaǵan. Oıynshynyń shotyndaǵy soma 2 mıllıon teńgeden asqan. Alaıda býkmekerlik keńse sebepti túsindirmeı, oıynshynyń shotyn buǵattap, stavka qoıýǵa kedergi keltirgen. Sonymen qatar shottaǵy aqshany basqarý múmkindiginen aıyrǵan.
Astana qalasynyń Almaty aýdandyq soty aryzdy qanaǵattandyryp, FAIR PLAY býkmekerlik keńsesin shotty ashýǵa mindettep, japa shegýshiniń paıdasyna 2 252 750 teńge óndirdi.
