Astana turǵyny bir ret túkirip, 16 myń teńge aıyppul tóledi
ASTANA. QazAqparat - Astana turǵynyna qoǵamdyq orynda túkirgeni úshin aıyppul salyndy, dep habarlaıdy Astana ІІD baspasóz qyzmeti.
«26 qyrkúıek kúni 27 jastaǵy er adam qoǵamdyq orynda, Sátbaev kóshesiniń boıyndaǵy aıaldamada turyp jerge túkirip, jurtshylyq qoldanysyndaǵy oryndy lastady jáne aınaladaǵylarǵa ádepsizdik tanytty», - delinedi habarlamada.
Jalpy qoldanystaǵy oryndy lastaǵany úshin quqyqbuzýshyǵa QR Ákimshilik quqyqbuzýshylyq kodeksiniń 434-babyna («Usaq buzaqylyq») sáıkes hattama toltyryldy. Kóshpeli sot otyrysynda 7 AEK (15883 teńge) kóleminde aıyppul salyndy.
Buzaqy óz aıybyn tolyq moıyndap, endigári mundaı tirlik qaıtalanbaıtynyna ýáde berdi.
