Astana turǵyny besinshi qabattan mysyq pen onyń marǵaýlaryn laqtyryp jibergen
ASTANA. QazAqparat - Sot úı janýarlaryna qatigezdik tanytqan Astana qalasynyń turǵynyn aıypty dep tapty, dep habarlaıdy «QazAqparat» HAA tilshisi.
Sottyń baspasóz qyzmetiniń habarlaýynsha, astanalyq turǵyn buzaqylyqqa basyp, mysyq pen onyń marǵaýlaryn tsellofanǵa salyp, besinshi qabattan kóshege qaraı laqtyryp jibergen. Munyń saldarynan úı janýarlary mertigip qalǵan.
Almaty aýdandyq №2 soty QR Qylmystyq kodeksiniń 316-baby 1-bóligi boıynsha qalalyq turǵyndy kináli dep tapty. Oǵan 25 aılyq eseptik kórsetkish kóleminde (57 myń teńge) aıyppul salyndy.
Úkim zańdy kúshine engen joq.
