Astana turǵyny balaǵat sózder úshin bes táýlik qamaýǵa alyndy
ASTANA. 2 qarasha. QazAqparat - Bıylǵy jyly elordanyń polıtsııa qyzmetkerleri qoǵamdyq oryndardy lastap, usaq buzaqylyq jasaǵany úshin 70 adamdy qamaýǵa alyp, 36 566 ákimshilik qaýly toltyrdy.
Bul jaıynda elordanyń resmı saıty habarlap otyr.
Máselen, bir táýlikke qamaýǵa alý ákimshilik jazasyna qalanyń 32 jastaǵy turǵyny kóp qabatty úıdiń aýlasynda shekildeýik shaǵyp, ony kópshilik júretin jerge shashyp, aınalany búldirgeni úshin tartyldy.
Qalanyń Esil aýdandyq ІІB-niń polıtsııa qyzmetkerleri 44 jastaǵy turǵyndy ustady. Ol halyq kóp júretin jerde beıádep, bylapyt sózder aıtyp, (usaq buzaqylyq bolyp tabylady) qoǵamdyq tártipti buzǵan. Sottyń qaýlysy boıynsha azamat 5 táýlikke qamaýǵa alý túrinde ákimshilik jazaǵa tartylyp, Astana qalalyq ІІD-niń arnaıy qabyldaý ornyna ornalastyryldy.
