Astana turǵyny avtobýsta petardanyń jarylýy saldarynan jaraqattar aldy
ASTANA. QazAqparat - Polıtsııa alkogoldik mas kúıde bolyp, baǵdarly avtobýstyń ishinde petardany jarǵan Qaraǵandy oblysynyń 26 jastaǵy turǵynyn ustady.
Atalǵan fakti QR QK-niń 293-baby (buzaqylyq) boıynsha sot aldyndaǵy tergeýdiń Biryńǵaı tizilimine tirkeldi. Ustalǵan er adamnyń buǵan deıin qylmystyq jaýapkershilikke tartylǵany anyqtaldy. Tergeý amaldary júrgizilýde, dep habarlaıdy Astana qalalyq ІІD-niń baspasóz qyzmetinen.
Keshe, 27 jeltoqsan kúni ІІD-ne Astana qalasynyń 19 jastaǵy turǵyny kelip, belgisiz adamnyń qoǵamdyq kóliktiń ishinde petardany jaryp, oǵan dene jaraqattaryn salǵany týraly ótinish jazǵan. Sonyń saldarynan ol aýrýhanaǵa baryp, dárigerlerdiń qaraýynan keıin tabanynyń jumsaq tinderi jaraqatymen úıine jiberildi.
Elordalyq polıtsııa qyzmetkerleri Jańa jyl aldyndaǵy mereke kúnderi pırotehnıkany kirgizý jáne shyǵarý, saqtaý, esepke alý, paıdalaný, tasymaldaý, joıý tártibiniń saqtalýy boıynsha jumystardy júrgizýde.
Budan basqa, «Pırotehnıka» jedel-aldyn alý sharasynyń aıasynda Astana polıtseıleri TJD qyzmetkerlerimen birigip oıyn-saýyq mekemeleri, mektepaldy jáne jalpy bilim beretin mekeme basshylarymen birge órt qaýipsizdigi erejelerin saqtaý jáne pırotehnıkalyq buıymdardy paıdalanýǵa jol bermeý boıynsha túsindirý jumystaryn júrgizýde.
