Astana turǵyny áriptesteriniń jeke málimetterin paıdalanyp, nesıe rásimdegen
ASTANA. QazAqparat - Astananyń Almaty aýdandyq Іshki ister basqarmasyna qala mekemeleriniń biriniń 25 qyzmetkeri aǵymdaǵy jyldyń mamyrynan osy ýaqytqa deıin belgisiz bireýlerdiń olardyń jeke málimetterin qoldana otyryp «Onlaın nesıe berý» qyzmeti arqyly olardyń attarynan nesıe alǵandyǵy jóninde aryzdandy, dep habarlaıdy Astana qalasy ІІD Baspasóz qyzmeti.
Elordalyq ІІD Krımınaldyq polıtsııa qyzmetkerleri jedel-izdestirý sharalary barysynda alaıaqtyq áreketterdi jasaǵan 1996 jyly týǵan jergilikti turǵyndy ustady.
Kúdiktiniń zardap shegýshilerdiń jeke málimetterin bilgendigin, ıaǵnı, zardap shegýshilermen birge bir mekemede qyzmet etip, aqparattyq qaýipsizdikti qamtamasyz etkendigi anyqtaldy.
Qazirgi ýaqytta kúdikti Astana qalasy ІІD Ýaqytsha ustaý ızolıatoryna qamaldy. ІІD Tergeý bólinisi azamattarǵa qatysty alaıaqtyq jasaý faktisi boıynsha 25 qylmystyq isti tergeýde. Árbir jaǵdaıda keltirilgen zalal sommasy 10000-nan 50000 teńge aralyǵynda.
Astana qalasy ІІD azamattardy muqııat bolýǵa jáne jeke málimetterdi eshkimge bermeýge keńes beredi.
