Astana turǵyny Almaty oblysynyń polıtsııasymen tóbelesip, kóligin soqty
TALDYQORǴAN. QazAqparat - Almaty oblysynda Astana qalasynyń 38 jastaǵy turǵyny mas kúıinde polıtsııa qyzmetkerimen tóbelesti, dep habarlaıdy QazAqparat tilshisi.
Almaty oblystyq ishki ister departamenti baspasóz qyzmetiniń málimetinshe, oqıǵa Kerbulaq aýdany Basshı aýylynyń mańynda bolǵan. Tártip saqshylary kezekti reıd kezinde «Toıota Avensıs» avtokóligin toqtatqan. Mashına toqtaý barysynda polıtseılerdiń qyzmettik kóligin soqqan.
Tekserý barysynda kólikti júrgizgen azamattyń mas ekeni anyqtaldy. Sondaı-aq ol qarsylyq kórsetip, tártip saqshylardyń birine judyryq ala júgirgen. Buzaqy aýdan ortalyǵy Saryózek aýylyna jetkizilip, medıtsınalyq saraptamadan ótkizildi. Keıin aýdandyq ishki ister bólimine qamaýǵa alyndy.
Bılik ókiline kúsh kórsetkeni úshin Kerbulaq aýdandyq ІІB qyzmetkerleri QR QK 380-baby boıynsha qylmystyq is qozǵady. Sondaı-aq ol mas kúıinde kólik júrgizip, jol apatyn jasaǵany úshin QR ÁK 608-baby 3-bóligine sáıkes júrgizý kýáliginen aırylýy múmkin.
