Astana turǵyny Álibı Jumaǵulovtyń ústinen shaǵym túsirgen
ASTANA. QazAqparat - Astana turǵyny polıtsııaǵa Álibı Jumaǵulov onyń noýtbýgyn qaıtarmaı júrgeni týraly shaǵymdandy, dedi elorda ІІD baspasóz qyzmetiniń jetekshisi Sofııa Qylyshbekova "QazAqparat" tilshisine bergen málimetinde.
«Bıyldyń 28 qyrkúıeginde qalalyq Іshki ister departamentine Astananyń 26 jastaǵy azamatshasy Á. Jumaǵulov esimdi tanysyna qatysty aryzdanǵan. Atalǵan qyzdyń málimetinshe, Jumaǵulov kóliginde qalyp qoıǵan noýtbýkty qaıtarmaı júr eken. Aldyn ala tergeý amaldary júrgizilgennen keıin noýtbýk ıesine qaıtaryldy, Esil aýdany prokýratýrasymen kelisilgennen keıin qylmystyq jaǵdaıdyń bolmaýyna baılanysty sotqa deıingi tergeý toqtatyldy», - dedi elorda ІІD baspasóz qyzmetiniń jetekshisi Sofııa Qylyshbekova.
Esterińizge sala keteıik, ótken jyldyń sáýirinde Nurlan Jumaǵulov esimdi qala turǵyny áleýmettik jelilerde uly Álibıdi bireýler qatygezdikpen uryp-soqqany týraly aqparat taratqan edi.
Anyqtalǵandaı, kásipker Qaırat Jamalıevtiń sybaılastarymen birge Astana turǵyny Álibı Jumaǵulovty uryp-soǵýy faktisi jurtshylyq arasynda úlken shý týǵyzýymen baılanysty ony tekserý barysy QR Bas prokýrory men ishki ister mınıstriniń baqylaýyna alyndy. Q.Jamalıev 2015 jylǵy 23 sáýirde ustaldy, 24 sáýirde materıaldar tutqynǵa alý jónindegi bultartpaý sharalaryn tańdaý úshin sotqa jiberildi.
2015 jyldyń tamyzynda Jamalıev 13 jylǵa bas bostandyǵynan aıyryldy.
