Astana turǵyny 500 myń dollaryn qaıtarmaý úshin týysyn óltirýge tapsyrys bergen

ASTANA. QazAqparat - Astana qalasy polıtsııa departamentiniń uıymdasqan qylmysqa qarsy kúres basqarmasy 57 jastaǵy áıeldi óltirýge tapsyrys bergen elordanyń buryn sotty bolǵan turǵynyna qatysty jedel is-sharalar júrgizdi, dep habarlaıdy QazAqparat Polisia.kz-ke silteme jasap.

Uıymdastyrýshy óziniń tanysy arqyly «oryndaýshymen» mámile jasap, oǵan shartty 10 mıllıon teńgeniń bir mıllıon teńgesin aldyn ala tólem retinde bergen, sondaı-aq boljamdy jábirlenýshiniń fotosýreti men basqa da derekteri bar uıaly telefondy tapsyrǵan. Sol kúni qyzmetkerler jaldamaly kisi óltirýshini anyqtady. Zattaı dáleldemeler tárkilendi.

Qylmystyń uıymdastyrýshysy men negizgi bastamashysyn ustaý maqsatynda polıtsııa qyzmetkerleri kisi ólimin ımıtatsııalaý arqyly jedel kombınatsııa júrgizdi. Jedel-tergeý is-sharalarynyń nátıjesinde qylmystyń barlyq qatysýshylary ustalyp, ýaqytsha ustaý ızolıatoryna qamaldy.

Kisi óltirýge tapsyrys berýshi jábirlenýshiniń týysy ekeni anyqtaldy. Jábirlenýshi oǵan aǵymdaǵy jyldyń aqpan aıynda 500 myń AQSh dollaryn saqtaýǵa bergen, bul qylmys jasaýǵa sebep bolǵan. Ózge derekter tergeý múddesinde jarııa etilýge jatpaıdy.