Astana turǵyny 21 jyl boıy beıtanys adammen nekede turǵanyn endi ǵana bilgen
Áıel bul málimetti egov.kz portaly arqyly bilgen.
Budan keıin ol jalǵan nekeni joıý úshin tirkeýshi organǵa júgingen. Alaıda oǵan nekede turǵan E.-men birge Azamattyq hal aktilerin tirkeý (AHAT) organyna kelip, ekeýi birge ótinish jazýy qajettigi týraly aıtylǵan.
Al «jalǵan kúıeý» E. azamattyq hal aktilerin tirkeý organyna birge barýdan úzildi-kesildi bas tartqan.
Budan ári áıel Astana qalasynyń Ádilet departamentine shaǵymmen júgingen. Alaıda «aktilik jazbanyń qaǵaz nusqasynda nekege turǵandardyń qoldary joq» dep kórsetilgen uqsas jaýap alǵan.
Osydan keıin talap-aryzben sotqa barǵan. Ol Astana qalasynyń ákimshilik sotynan azamat E.-ni nekeni tirkeý týraly aktilik jazbanyń kúshin joıý týraly tıisti ákimshilik akti qabyldaýǵa májbúrleýdi suraǵan.
«Sýdıa sottyń belsendi róli qaǵıdatyn qoldana otyryp jáne daýdy qaraýdyń quqyqtyq saldaryn túsindire otyryp, taraptarmen áńgime júrgizdi. Nátıjesi boıynsha kelisim bekitildi. Onyń sharttaryna sáıkes qalalyq ákimdik apparaty azamattyq hal aktilerin tirkeý bóliminde tirkelgen nekeni tirkeý týraly aktilik jazbanyń kúshin joıý týraly ákimshilik akti qabyldaýǵa mindettenedi», - delingen sot habarlamasynda.
Foto: gorodok.city
