Astana turǵyny 12 káriz qudyǵynyń qaqpaǵyn urlap ketken
ASTANA. QazAqparat - Astana polıtsııasy káriz júıesiniń metall qaqpaqtaryn urlady degen kúdikpen qala turǵynyn ustaǵan, dep habarlaıdy «QazAqparat» HAA qalalyq ІІD baspasóz qyzmetine silteme jasap.
Іshki ister departamentinde mobıldi top qurylyp, qajetti qujattarsyz metall qabyldaýmen aınalysatyn oryndardy, tústi, qara metaldardy jáne káriz qaqpaqtaryn urlaýǵa qatysy bar tulǵalardy anyqtaý jumystaryn júrgizýde.
Osy sharalardyń nátıjesinde shamamen 90 metall qabyldaý oryndary anyqtalǵan, qazirgi ýaqytta sonyń 30-y zańsyz qyzmetin toqtatqan.
7 qyrkúıekte 12 káriz qaqpaǵynyń urlyǵy boıynsha júrgizilgen jyldam-izdestirý sharalarynyń barysynda 43 jastaǵy qala turǵyny anyqtalǵan. Kúdiktiniń sózine qaraǵanda, ol qalanyń ártúrli aýdandaryndaǵy qudyqtardyń qaqpaǵyn sheship áketken. Urlaǵandaryn bazarǵa aparyp satqan. Tergeý amaldary barysynda barlyq káriz qaqpaqtary qaıtarylǵan. Qazirde QR QK 188-babyna (urlyq) sáıkes sotqa deıingi tergeý amaldary júrgizilýde. Kúdikti ІІD ýaqytsha ustaý oqshaýlaǵyshyna alynǵan. Onyń qala aýmaǵyndaǵy osy sııaqty basqa da qylmystarǵa qatysy bar-joqtyǵy anyqtalýda.
Qaqpaqtardy urlaýǵa baılanysty quqyqbuzýshylyqtardy ashý Astana ІІD basshylyǵynyń turaqty baqylaýynda.
