Astana turǵyny 10-shy qabattan sekirmek bolǵan boıjetkendi qutqardy
ASTANA. QazAqparat - 8 naýryz kúni jubaıyna tort alýǵa dúkenge shyqqan jigit 10 qabatty turǵyn úıdiń tóbesinen sekirgeli turǵan qyzdy qutqaryp qaldy, dep habarlaıdy KTK arnasy.
19 jastaǵy boıjetkenniń mundaı qadamǵa barýyna, anasynyń jigitimen kezdesýge tyıym salýy sebep bolǵan kórinedi. Ol aldymen eki qolynyń tamyryn kesip tastaǵan. Tapa-tal túste tamyryn kesip, sýıtsıd jasaýǵa oqtalǵan qyzdy qutqarýshylar emes, sol mańnan kezdeısoq ótip bara jatqan jigit ajaldan arashalap qalǵan.
Oqıǵa kýágerleri jan-jaqtan aıqaılap qyzdy raıynan qaıtarýǵa tyrysqan. Alaıda, ol jerdegilerdiń janaıqaıyn elegen joq. Sálden soń oqıǵa ornyna qutqarýshylar da jetipti. Alaıda olar baspaldaǵyn joǵaryǵa kóteremin degenshe, sol mańda ketip bara jatqan er adam kómektesken. Elorda turǵyny Asqar Orazalın jubaıyna gúl shoǵy men tort alýǵa shyqqan eken. Qaladaǵy qurylys kompanııalarynyń birinde jumys isteıtin sáýletshi jigit dereý shatyrǵa shyǵyp, sýıtsıd jasaǵaly otyrǵan boıjetkendi ajaldan arashalap qalǵan.
Aıta keterligi, boıjetkendi ajaldan aman alyp qalǵan jigitti bastapqyda shatyrǵa shyqpaq bolǵanda, polıtseıler jibermegendikten qýlyqqa basypty. Sóıtip ózin «ulttyq qaýipsizdik komıtetiniń qyzmetkerimin» dep tanystyrǵan.
«Men komıtetten degesin maǵan eshkim til qatpady. Al qyz «jolama, qazir sekirep ólemin» dedi. Tómen qarady da, yrǵyp túskisi keldi. Sol kezde men oılanbastan qolyna shap berip, óz keýdeme basyp aldym qyzdy. Sodan, qatty tolqyp kettim, qyz jylady», - deıdi A.Orazalın.
