Astana turǵyndarynyń sany 795 801 adamǵa jetti
ASTANA. 24 qyrkúıek. QazAqparat - Astana halqynyń sany aǵymdaǵy esep boıynsha 2013 jylǵy 1 tamyz jaǵdaıynda 795 801 adamdy,
sonyń ishinde Almaty aýdany boıynsha 365 530 (45,9%), Esil aýdany boıynsha 109 033 (13,7%), Saryarqa aýdany boıynsha 321 238 (40,4%) adamdy qurady. Bul týraly astana.kz saıtyna qalalyq Statıstıka departamentinen habarlady.
2013 jyldyń basymen salystyrǵanda, Astana qalasy halqynyń jalpy sany 17 603 adamǵa, sonyń ishinde Almaty aýdany boıynsha 1 848, Esil aýdany boıynsha 6 296, Saryarqa aýdany boıynsha 9 459 adamǵa kóbeıdi.
2013 jyldyń qańtar-shildesinde halyqtyń tabıǵı ósimi 10 625 adam, kóshi-qon ósimi 6 978 adam boldy.
2013 jyldyń qańtar-shildesinde jalpy Astana qalasy boıynsha 12 634 týylǵandar tirkeldi, bul ótken jyldyń sáıkes kezeńimen salystyrǵanda 14,5% artyq. Sonymen qatar, halyqtyń tabıǵı ósimi ótken jyldyń qańtar-shildesimen salystyrǵanda 18,8% kóterildi jáne 10 625 adamdy qurady.
Osy aralyqta qalada 2009 adam qaıtys boldy, bul 2012 jyldyń qańtar-shildedegi kórsetkishten 4,1% tómen.
«Qańtar-shildede 1 jasqa deıingi balalar óliminiń 106 jaǵdaıy tirkeldi, bul 2012 jyldyń sáıkes kezeńine qaraǵanda 23 jaǵdaıǵa az»,- delingen aqparatta.
Halyq óliminiń negizgi sebepteri toptarynyń arasynda eń úlken úles salmaqty ádettegideı, qan aınalymy júıesi aýrýlary (37%), óskinder (17,8%), jazataıym oqıǵalar, ýlaný jáne jaraqattaný 15,6% alady.
2013 jyldyń qańtar-shildedegi AHAT organdarynda tirkelgen nekelesýler sany, ótken jyldyń sáıkes kezeńimen salystyrǵanda 4,5%, ajyrasýlar sany 14,5% artty.
