Astana turǵyndarynyń qaýipsizdigin 2 myńnan asa polıtsııa qyzmetkeri qamtamasyz etetin bolady
ASTANA. QazAqparat - Elorda ákimi Áset Isekeshevtiń tóraǵalyǵymen qala ákimdiginiń janyndaǵy Antıterrorıstik komıssııanyń otyrysy ótti. Oǵan Astana qalasy ІІD Jergilikti polıtsııa qyzmeti basqarmasynyń basshysy, Astana qalasy boıynsha UQKD basshysy, sondaı-aq aýdan ákimderi qatysty.
Kezdesý barysynda Qazaqstan Respýblıkasy Táýelsizdiginiń 25 jyldyǵyn merekeleý sheńberinde elorda nysandarynda qoǵamdyq qaýipsizdikti saqtaý jáne baqylaýdy kúsheıtý sharalary talqylandy. Otyrysta qalanyń kúsh qurylym basshylary qabyldanǵan sharalar týraly esep berdi. Merekelik sharalar barysynda turǵyndardyń qaýipsizdigin 2 myńnan asa tártip saqshysy qamtamasyz etetin bolady. Kúsheıtilgen rejım 2016 jylǵy jeltoqsannyń 8-inde bastalyp, 2017 jylǵy qańtardyń 15-ine deıin jalǵasady.
Astana qalasy Іshki ister departamentiniń Jergilikti polıtsııa qyzmeti Basqarmasynyń basshysy Baqytjan Malybaevtyń aıtýynsha, mereke kúnderi barlyq qoǵamdyq oryndar aıryqsha baqylaýǵa alynady. Halyq kóp jınalatyn oryndar táýlik boıy baqylanady, dep habarlaıdy ákimdiktiń baspasóz qyzmetinen.
