Astana turǵyndary jyly aıaldamalardy qalanyń shetki jaǵynda ornatýdy surap otyr
ASTANA. QazAqparat - Búgin Astana qalasynyń kóliktik keshenin damytý baǵdarlamasyna arnalǵan qoǵamdyq tyńdaýlar barysynda qala turǵyndary qala ákimi Áset Isekeshevten jyly aıaldamalardy shetki aýdandarda ornatýdy surady, dep xabarlaıdy QazAqparat tilshisi.
«Eki jyldan beri qalada biraz jyly aıaldamalar paıdalanýǵa berildi. Bizdiń oıymyzsha, ondaı aıaldamalar qala shetindegi turǵyndar úshin asa qajet. Óıtkeni ol jaqta jelden men sýyqtan qorǵanatyn nysandar az. Osy jumysty qolǵa alý qajet», - deıdi Astana turǵyndarynyń biri.
Astana ákimi Áset Isekeshevtiń aıtýynsha, qazirgi kezde ol másele qaralyp jatyr.
«Qaıda jáne qandaı pavılondar qajet. Osyny qarap jatyrmyz. Aldaǵy ýaqytta tıisti aqparatty jarııalaımyz. Aýdan ákimderi de osy jumysqa atsalysýy qajet», - dedi qala basshysy.
