Astana turǵyndary úshin ınflıatsııa men tutyný taýarlary baǵasynyń ósýi úlken problema bolyp tabylady - zertteýdiń qorytyndysy
ASTANA. Jeltoqsannyń 21-i. QazAqparat /Quralaı Orynbekqyzy/ - Astana turǵyndary úshin ınflıatsııa men tutyný taýarlarynyń baǵasynyń ósýi úlken problema bolyp tabylady. Bul týraly búgin «Báıterek» Halyqaralyq medıa-ortalyǵynda ótken dóńgelek ústelde aıtyldy,
dep habarlaıdy QazAqparat tilshisi.
Astana qalasy Іshki saıasat basqarmasynyń tapsyrmasymen «Sarapshy» qoǵamdyq qory keshendi áleýmettik zertteý ótkizip, elordanyń úshinshi sektorynyń azamattyq qoǵamnyń qurylý aıasyndaǵy damýyn qarastyrdy. Zertteý maqsaty - Astana qalasynyń azamattyq qoǵamynyń keleshekte damýy jónindegi sarapshylar men jurtshylyq pikirin bilý. Saýalnama retinde júrgizilgen is-sharaǵa elordanyń 3 aýdanynan 18 jastan asqan 600 adam qatysty. Sondaı-aq 60 sarapshy, onyń ishinde BAQ, ÚEU ókilderi men sheneýnikter qamtyldy.
«Búginde Qazaqstanda 25 myńǵa jýyq kommertsııalyq emes uıym tirkelgen. Olardyń qatarynda 10 saıası partııa, 4 myńnan astam dinı uıymdar, ondaǵan kásiptik odaqtar, 3 myńǵa jýyq BAQ jáne 5 myńǵa jýyq ÚEU bar. Suraýdyń nátıjeleri boıynsha Astana turǵyndarynyń jartysynan kóbi ÚEU-dyń qalada jumys isteıtindigi týraly eshqashan estimegeni anyqtaldy», dedi áleýmettaný magıstri Lıýbov Sartakova.
Taldaý tobynyń pikirinshe, osy qurastyrylǵan ádistemeni elordada, sondaı-aq elimizdiń basqa aımaqtarynda úshinshi sektordyń jaı-kúıine monıtorıng jasaý úshin negiz retinde alýǵa bolady.
