Astana turǵyndary ýchaskelik polıtseılerge jappaı alǵys aıtty
Jergilikti polıtsııa qyzmetiniń basshysy baıandamasyn aıaqtaǵan soń, turǵyndar B.Malybaevqa suraq qoıý úshin kezekke tura bastady. Biraq, halyqtyń basym bóligi jergilikti polıtsııa qyzmetiniń jumysy óte tııanaqty ekenin aıtyp, basshysy Baqytjan Malybaev arqyly elordadaǵy búkil ýchaskelik polıtseılerge alǵys aıtty.
Jergilikti polıtsııa qyzmetiniń basshysymen kezdesýge kelgen halyqtyń ishinen 30-40 adam suraq qoıdy. Olardyń barlyǵy eń birinshi suraqtaryn óz ýchaskelik polıtseılerine alǵys aıtýdan bastady.
"Men Astana qalasynyń turǵynymyn. Pəterimdi jalǵa beremin. Biraq, jeke kásipker retinde salyqty tólep turamyn. Jýyrda qatty aıaz kezinde bir jigit kelip, pəterimdi jalǵa aldy. Basqa qaladan kelgenin, qujattaryn umytyp ketkenin aıtqan soń, tún ishinde aıadym da, pəterimdi jalǵa berdim. Biraq, saqtyq úshin ony sýretke túsirip aldym. Úsh-tórt kúnnen keıin pəterime barsam, əlgi jigit meni tonap ketipti. Ýchaskelik polıtseıge aryzdanyp edim, ol esh qujaty joq jigitti meniń uıaly telefonymdaǵy sýretke qarap taýyp berdi. Úlken qylmystyń betin ashty. Men ony marapatqa usynyp, Іshki ister mınıstrligine hat jazdym, biraq jaýap kelmeıdi, eger sizdiń qolyńyzdan kelse, ýchaskelik polıtseılerdi marapattap otyrsańyz", - dedi elordanyń Roza esimdi turǵyny.
Sonymen qatar, Astana qalasy Almaty aýdanynda turatyn azamatsha ózimen kórshi turatyn ýchaskelik polıtseıdiń qyzmettik formasyn tastamaıtynyn aıtyp, sondaı jas mamandardy baspanamen qamtý məselesin kóterdi.
"Men Almaty aýdanynda turamyn. Kórshim - Qanat esimdi jigit ýchaskelik polıtseı. Ony qashan kórsem de qyzmettik formamen júredi. Úsh balasy bar, biraq, formasyn sheship, sol úsh balasymen qydyryp júrgenin eshqashan kórgen emespin. Men úlken kisimen, kúndiz-túni úıdemin, qys túskenshe ylǵı dalada otyramyn. Sonda ýchaskelik polıtseıdiń úsh balasymen oınap júrgenin, tym bolmaǵanda úıine erte qaıtyp, formasyz júrgen kezin kórgen emespin. Demalys degendi bilmeıdi, olardy da demaldyryp tursańyzdar. Úsh balasymen bir bólmeni jaldap otyr, baspanasy da joq. Al, Qanatty ərbir páter ıesi tanyp, ol týraly tek jaqsy əńgime aıtady. Bilýimshe, kórshilerimizdiń talaıyna kómektesken. Meniń de oǵan aıtar alǵysym bar",-dedi qala turǵyny.
Buǵan qatysty Jergilikti polıtsııa basshysy Baqytjan Malybaev ózi de tórt balasyn kórmeıtinin aıtty.
"Astanada qylmys joıylǵanda demalamyz, - dep qaljyńdady Malybaev. - Bilesiz be, meniń de tórt balam bar, men de olardy sırek kóremin desem bolady. Olardy kınoǵa qashan aparǵanym esimde joq. Biraq, biz Otan aldynda Ant bergemiz. Al, biz úshin Antqa adaldyq - basty mindet. Sondyqtan, halyqtyń qaýipsizdigi úshin demalyssyz jumys isteımiz. Biraq, alda kele jatqan merekelerge oraı, ýchaskelik polıtseılerdiń bərine syıaqy taǵaıyndadym. Baspana da bergimiz keledi. Onyń bərine kezek, ýaqyt kerek",-dep jaýap berdi B.Malybaev.
Jergilikti polıtsııa basshysyna suraq qoıǵan ózge turǵyndar da ýchaskelik polıtseılerge alǵys bildirdi. Tipti, polıtsııa qyzmetkerlerine til tıgizetin, jemqor dep aıyptaıtyn turǵyndardyń ózine aıyppul salý kerek degen usynys túsirgender de boldy.
Aıta keteıik, ýchaskelik polıtsııa ınspektorlary, kámeletke tolmaǵandar isteri, áıelderdi zorlyq-zombylyqtan qorǵaý jónindegi bólimsheler, jol-patrýldik polıtsııasy, tabıǵatty qorǵaý polıtsııasy, qabyldaý-bólý oryndary jáne arnaýly qabyldaý oryndary jergilikti polıtsııa qyzmetiniń qaramaǵyna kiredi.