Astana turǵyndary tasqyn sýdyń basý qaýpi bolǵandyǵyn sezbeı de qaldy - Ó.Shókeev
ASTANA. Sáýirdiń 27-si. QazAqparat /Gúlmıra Álıakparova/ - Astana qalasyn sý tasqynynan qorǵaý maqsatynda salynǵan bóget bıylǵy kóktemde 30 mıllıon tekshe metr sýdy qabyldady. QR Premer-Mınıstriniń birinshi orynbasary Ómirzaq Shókeevtiń aıtýynsha, bóget der ýaqytynda salynǵandyqtan, qala turǵyndary tasqyn sýdyń basý qaýpi bolǵandyǵyn sezbeı de qaldy.
Búgin Premer-Mınıstrdiń birinshi orynbasary respýblıkadaǵy strategııalyq mańyzdy sýly nysandardyń jaǵdaıy boıynsha quzyrly organdarmen keńes ótkizdi.
Onda Astana ákiminiń orynbasary Sergeı Horoshýn, Astana qalasyn tasqyn sýlardan qorǵaý maqsatynda salynǵan sý rettegishiniń jumysy jaıynda baıandady. Atalmysh nysan 2006 jyly QR Prezıdentiniń qaýlysymen strategııalyq mańyzy bar ınvestıtsııalyq jobalarǵa jatqyzylǵan bolatyn.
Sý bógeti tolyǵymen iske qosylmaǵanymen, bıylǵy kóktemde ol óziniń mindetin atqardy. ıAǵnı Vıacheslav sý qoımasyna syımaı qalǵan tasqyn sýdyń 30 mln. tekshe metr kólemin ózine qabyldap, Astananyń jekelegen aýmaqtaryn sý basý qaýpinen saqtap qaldy.
S.Horoshýnnyń aıtýynsha, Vıacheslav sý qomasy arnasynan tasyǵan jaǵdaıda, Esildiń sol jaǵalaýy men áýejaıdyń mańynda ornalasqan birneshe eldi meken sý astynda qalar edi.
«ıAǵnı, qala tasqyn sýdan qaýiptiń bolǵandyǵyn sezbeı de qaldy, shyntýaıtynda ol boldy. Úlken tasqyndar bolmaıdy dep kútilgenimen, sýdyń kólemi negizinen mol boldy.Bul sýdyń barlyǵy atalmysh sý bógetine jóneltildi. Qazir Vıacheslav sý qoımasynda óziniń jobalyq syıymdylyǵy boıynsha 410 mln. tekshe metr sý bar, sonymen birge sý rettegishte taǵy 30 mln. tekshe metr sý bar. Endi bul sýdy qalaı tıimdi paıdalanatynymyzdy oılaný qajet», - dep atap ótti Ó.Shókeev.
Búgingi kúni jınalǵan tasqyndy sýdy kezeń-kezeńimen Esil ózenine ótkizý úshin arnalar salynýda. Byltyr onyń qurylysyna 740 mln. teńge bólinip, onyń birinshi kezegi salynyp bitirildi. Qurylys aldaǵy qyrkúıektiń 1-ine deıin tolyǵymen aıaqtalyp, arna Esil ózenimen jalǵastyrylatyn bolady. Sý rettegishtiń jalpy qurylysyn 2010 jyldyń sońyna deıin aıaqtaý kózdelýde.
Ó.Shókeev, Sý resýrstary boıynsha komıtet pen ákimdikke sý rettegishtiń sýdy ótkizý múmkindigi týraly esepti daıyndap, onyń qýatyn shilde-tamyz aılarynda barynsha múmkin kólemge jetkizýdi tapsyrdy.
Ó.Shókeev, jańadan boı kótergen sý bógeti Astana mańynan kishkentaı teńizdi quraǵanyn jáne ony aldaǵy ýaqytta demalys oryndary retinde paıdalanýǵa bolatynyn atap ótti.
