Astana turǵyndary negizinen medıtsınalyq qyzmetkerlerdiń dórekiligine shaǵymdanady - Ivan Lı
ASTANA. QazAqparat - Elorda turǵyndary medıtsınalyq qyzmettiń sapasyna emes, negizinen medıtsınalyq qyzmetkerlerdiń tarapynan oryn alatyn dórekilikke shaǵymdanady. Bul týraly búgin bıylǵy 9 aıdyń qorytyndysy boıynsha Meıirbıkelik isti damytý boıynsha úılestirýshi keńestiń otyrysynda Astana qalasy densaýlyq saqtaý basqarmasy basshysynyń orynbasary Ivan Lı málim etti.
«Búginde keıbir emhanalar boıynsha shaǵymdardyń azaıýyn baıqap otyrmyz. Al keıbirinde shaǵymdar burynǵy deńgeıde qalýda. Shaǵymdarǵa jasalǵan taldaý nátıjesine qaraǵanda, olar negizinen medıtsınalyq qyzmet kórsetýge baılanysty emes ekeni, ıaǵnı medıtsınalyq personaldyń tarapynan oryn alatyn dórekelikke qatysty ekenin kórip otyrmyz. Bundaı dórekilik negizinen orta personalda, sondaı-aq dáriger qyzmetkerlerde de baıqalýda»,-dedi I. Lı.
Munymen qosa ol meıirbıkelerdi daıarlaý da tıisti deńgeıde emes ekenin atap ótti.
«Jaqyn bolashaqta biz birqatar dárigerlik qyzmetterdi meıirbıkelerge atqarý quqyǵyn berýdi josparlap otyrmyz, alaıda olar áli de daıar emes»,-dedi I. Lı.
Onyń sózine qaraǵanda, bul turǵyda qazirden bastap tıisti deńgeıdegi daıarlyq jumystaryn júrgizip, meıirbıkelerdiń biliktiligin arttyrý qajet.
