Astana turǵyndary qoqystardy bólip jınaýdy úırenýde
ASTANA. QazAqparat - Astana turǵyndary qoqystardy tıpine qaraı bólip jınaýy úshin jaǵdaı jasalýda. Bul týraly búgin qala boıynsha ótken baspasóz týry barysynda Astana qalalyq ákimdiginiń tabıǵı resýrstardy basqarý basqarmasy jetekshisiniń orynbasary Mıras Aısın aıtty.
«Qazaqstannyń «jasyl ekonomıkaǵa» kóshý jaǵdaıy aıasynda Astana ákimdigi 2015 jyldyń 1 naýryzynan bastap qatty turmystyq qaldyqtardy bólip jınaý jónindegi pılottyq jobany iske asyrýda. Osy shara aıasynda qala aýlalaryna 160 arnaıy daıyndalǵan túrli-tústi konteınerler qoıyldy. ıAǵnı kók jáshikke qaǵaz jáne soǵan uqsas qaldyqtar, qyzyl jáshikke shyny qaldyqtar jáne sary jáshikke plastık qaldyqtar bólip tastalady. Bólip jınalǵan qoqysty tasymaldaý sharasyn «Astana tazartý» JShS júzege asyrady. Bul úshin arnaıy eki kólik qarastyrylǵan», - dep atap ótti M. Aısın.
Onyń aıtýynsha, bul joba aıasynda «PosadiDerevo.kz» qoǵamdyq birlestigi úgit-nasıhat jumystaryn júrgizýde. Atap aıtar bolsaq, turǵyndarǵa aqparattyq paraqshalar taratylyp, syrtqy jarnamalar ilinedi. Qoqysty bólip jınaýdy úıretetin arnaıy beınerolıkter túsirilýde. Joba ózin-ózi aqtap jatsa, bolashaqta mundaı qoqys jáshikteri qalanyń barlyq aýlalaryna qoıylady.
Sonymen qatar, 2013 jyldyń 1 tamyzynan bastap «Astana qalasynyń 2013-2016 jyldarǵa energoúnemdeý keshendi jospary» boıynsha halyqtan quramynda synaby bar isten shyqqan shamdardy jınaý jobasy júzege asyrylýda. Joba sheńberinde aýla aýmaqtarynda arnaıy konteınerler ornatylǵan, osy ýaqytqa deıin turǵyndardan 1,2 mln. dana sham jınalǵan jáne qaıta óńdelgen.
Kúldi jınaý boıynsha taǵy bir pılottyq joba 2014 jyldyń 1 qarashasynan bastap engizildi. Joba sheńberinde qalanyń jer úıler ornalasqan aýmaqtaryna 75 konteıner ornalastyrylyp, osy ýaqytqa deıin 600 tonna kúl jınalyp, polıgondarǵa tasyldy.
M. Aısınniń aıtýynsha, jeke sektordaǵy turǵyndar peshten jańa shyqqan kúldi qoqys jáshikterine tógý sebebinen ondaǵy qoqystar tutanyp, janyp, konteınerdiń tez isten shyǵýyna negiz bolady. Sondyqtan ystyq temperatýraǵa tózimdi osyndaı konteınerler qoıý, bul máseleni sheshýge jol ashady.
Bıyl ákimdik kúlge arnalǵan konteınerler sanyn molaıtýdy kózdep otyr. Qazirgi kezde olar Shubar, Kóktal, Lesozavod jáne Ilınka kentterine ornalastyrylǵan.
