Astana turǵyndary qaıtadan tirkeýge turýy kerek
"2017 jyly 1 shildeden bastap Qazaqstan Respýblıkasynda mindetti áleýmettik medıtsınalyq saqtandyrý boıynsha azamattardyń medıtsınalyq kómekti alýǵa degen quqyqtaryn qamtamasyz etý maqsatynda aı saıyn jarnalar men aýdarymdar jasalatyn bolady. Atalǵan jarnalar men aýdarymdardyń mólsheri Sizdiń áleýmettik mártebeńizge baılanysty bolady: jumys berýshiler óz jumysshylary úshin jarnalar men aýdarymdardy jasaıdy; ózin-ózi jumyspen qamtyp júrgen azamattar (onyń ishinde kásipkerler de bar) óz tabystarynan nemese eń tómengi eńbekaqydan jarna tóleıdi; memleket áleýmettik jaǵynan az qamtylǵan azamattar úshin jarnalar aýdarady", - delingen ákimdiktiń xabarlandyrý paraqshalarynda.
Onda áleýmettik jaǵynan qorǵalmaǵan toptarǵa kiretin azamattar da kórsetilgen. Olar - balalar, "Altyn alqa" men "Kúmis alqanyń" ıegerleri, ardagerler, zeınetkerler, múgedekter, kúndizgi bólimde oqıtyn stýdentter, dekrettik demalysta júrgen tulǵalar, jumyspen qamtý ortalyǵynda jumyssyz retinde tirkelgender, ınternatta bilim alatyndar, ýaqytsha nemese tergeý abaqtysynda otyrǵandar, sondaı-aq jazasyn túrmede ótep júrgender.
"Eger Siz ózińizdiń áleýmettik mártebeńizdi anyqtaýda qınalsańyz, onda egov.kz "elektrondy úkimet" portalynda áleýmettik mártebeńizdi bilýińizge bolady", - delingen qulaqtandyrýda. Astana ákimdigi portalda tıisti aqparatty taba almaǵan azamattarǵa jumyspen qamtý ortalyǵyna (Beıbitshilik kósh., 25, tel. 57-88-86, 57-85-42,57-86-19) xabarlasýǵa keńes berilýde.
Aıta keteıik, buǵan deıin QR Aqparat jáne kommýnıkatsııalar mınıstri Dáýren Abaev ta mindetti áleýmettik medıtsınalyq saqtandyrýdyń engizilýine baılanysty árbir azamatty erterek tirkelýge úndegen bolatyn . Úkimet basshysy Baqytjan Saǵyntaev bolsa, xalyqqa qyzmet ortalyqtarynda qarbalysqa jol bermeýdi tapsyrdy. Sebebi 1 shildeden bastap jumys berýshiler jumysshylar úshin jarna tóleýdi bastaıdy. Al kelesi jyldan bastap ondaı jarnalar jumysshylardyń eńbekaqysynan da ustalady.
