Astana turǵyndary qarjy pıramıdalaryna aldanýda
NUR-SULTAN. QazAqparat - 2020 jyldyń basynan beri Nur-Sultan qalalyq Polıtsııa departamentine qarjy pıramıdalarynan zardap shekken 150 adam shaǵym jasady, dep habarlaıdy QazAqparat tilshisi.
Atalǵan departamenttiń málimetinshe, barlyq jaǵdaıda zardap shegýshiler qysqa ýaqytta qomaqty paıda tabýǵa úmittengen. Bul rette olar uıym týraly aqparatty naqtylap alýdy qaperge almaǵan.
«Qarjy pıramıdalaryn uıymdastyrýshylar jıi shet memleket azamattary bolyp shyǵady. Túrli shemalardy uıymdastyrý jáne damytý áleýmettik jeli arqyly júzege asyrylady. Ádette olar «Forex» «Advacash», «Teletrade» syndy tanymal kompanııalardyń nyshanyn paıdalanady. Alaıda, tergeý atalǵan kompanııalarmen olardyń ortaq baılanysy joq ekendigin, al olardyń izi jáne qazaqstandyqtardyń salymdary shet elderge ketetindigin kórsetip otyr«, - delingen vedomstvo málimetinde.
Máselen, Nur-Sultan qalasy áleýmettik jeliden joǵary tabys tabýǵa bolatyndyǵy týraly habarlamany kórip, belgisiz tulǵanyń banktik kartasyna shamamen 100 myń teńge aýdaryp jibergen. Qysqa ýaqyttyń ishinde birneshe ese tabys kútken boıjetkenge aqyr aıaǵynda polıtsııaǵa júginýge týra kelgen.
Osyǵan oraı Nur-Sultan qalalyq Polıtsııa departamenti «alaıaqtyq jobalardyń« negizgi belgilerin jarııalap otyr:
Birinshiden, joǵary tabys tabýǵa ýáde beretin mundaı jarnamalar buqaralyq aqparat quraldar men áleýmettik jelilerde jarııalanady.
Ekinshiden, bıznes jelilik marketıng ustanymy negizinde uıymdastyrylady. ıAǵnı, qatysýshynyń tabysy jańa qatysýshylardyń salymy esebinen qalyptastyrylady.
Úshinshiden, óz qyzmetterin sheteldegi jyljymaıtyn múlik, altyn óndirý, bırjalyq mámileler, «Forex» naryǵy syndy salalarda júzege asyratyndyqtaryn málimdeıdi.
Tórtinshiden, qarajat tartý qyzmetin júzege asyrýǵa arnalǵan lıtsenzııalary bolmaıdy.
