Astana turǵyndary Esildegi avtorallıdi tamashalaı alady
ASTANA. QazAqparat - "Astana-2014" klassıkalyq rallı boıynsha QR chempıonaty men kýbogy Astanada 1 naýryzda bastaý alady, dep habarlaıdy jarystyń baspasóz ortalyǵynan.
Rallı saıysy tańerteń saǵat 10.00-de Qoıandy sý qoımasy muz aıdynynda bastalady. Tústen keıin sportshylar Astanaǵa kelip, Esil ózeniniń muz aıdynynda jarysty odan ári jalǵastyrady. Munda eń kórnekti tártiptiń biri juptasqan jarys ótedi.
"Astana" rallıine qatysýshylar arnaıy 9 ýchaskege bólingen 112 shaqyrymdy basyp ótedi. Jarysqa 18 ekıpaj (RK-PRO sanatyndaǵy tolyq jetekti 9 kólik jáne RK-11 klasyndaǵy 9 kólik) shyǵady.
Qoıandy sý qoımasy aımaǵyndaǵy muz ben qar betinde ótetin jarys alty jyldan beri ótkizilip keledi. Osy jyly uıymdastyrýshylar baǵytty keńeıtýdi sheshti. Esildiń eń keń bóligi aralyǵyna alǵash ret tas jol salyndy.
Endi kórermender jarysty oń jáne sol jaq jaǵalaýlardan baqylaı alady. Sondaı-aq jarys ornyna - Esil ózeniniń qaıyq stansasyna dıspleı ornatylmaq. Ol jerden saıysty onlaın rejiminde tamashalaýǵa bolady.
