Astana turǵyndary endi sálemdemelerdi poshta operatorynyń kómeginsiz jónelte alady
ASTANA. 20 jeltoqsan. QazAqparat - Qaladaǵy № 17 poshta baılanysy bólimshesinde postamattardy ornatyp, qoldaný jónindegi ilki joba iske qosyldy. Bul týraly «Qazpochta» AQ-nyń qalalyq fılıaly málim etti.
«Postamat - bul tólem termınaldary qoıylǵan pochta jáshikteri. Poshta avtomatynda klıent tapsyrys taýaryn alyp nemese qyzmet kórsetetin personaldyń kómeginsiz sálemdemeler jónelte alady. Sondaı-aq, postamat arqyly katalogtar men ınternet-dúkenderden tapsyryspen taýarlar alýǵa bolady. Olar táýlik boıy jumys isteıdi jáne eshqandaı adam qyzmetiniń qatysy bolmaıdy», - delingen habarlamada.
Postamat jelileri Eýropada keńinen taralǵan. Alǵashqy postamatty shyǵarǵan avstrııalyq Keba fırmasy. 2004 jyly ol satýǵa shyǵaryldy, sodan keıin sálemdemelik avtomattardy óziniń poshtalyq jelilerinde Germanııadaǵy DHL fırmasy paıdalana bastady. Onda búginde 4,5 myńnan astam postamat bar dep esepteledi.
Elordalyq pochtamtta habarlanǵanyndaı, aldaǵy ýaqytta respýblıka boıynsha barlyq poshta bólimshelerine 200-den astam postamat satyp alynyp, ornatylýy josparlanǵan.
