Astana turǵyndary elektr energııasyna 1,6 mlrd. teńge qaryz
ASTANA. 17 sáýir. QazAqparat - Astana turǵyndary elektr energııasy úshin 1,6 mlrd. teńge qaryz. Bul týraly búgin Astanada kúzgi-qysqy jylý berý maýsymynyń aıaqtalýyna oraı ótken keńeste qala basshysynyń orynbasary Vasılıı Krylov málim etti.
«Turǵyndardyń tek «Astanaenergosbyt» aldyndaǵy qaryzynyń ózi 1,6 mlrd. teńgeni quraıdy. Sý jáne káriz jelileri úshin - 270 mln. teńge, lıft qyzmeti úshin - 16 mln. teńge, gazben qamtamasyz etýge 34 mln. teńge bereshegi bar», - dep atap kórsetti V. Krylov.
Onyń pikirinshe, qala bıligi tutynýshylardan qaryzdardy óndirip alý boıynsha tıimdi jumystar atqarýy tıis, kommýnaldyq tólemder úshin ádeıi aqsha shyǵyndamaıtyn zańdy jáne jeke tulǵalardy BAQ betterinde jarııalaý baǵytynda belsendi sharalar qabyldaýy qajet.
