Astana turǵyndary e-PIK jobasyna biriktiriledi
ASTANA. QazAqparat - Tamyz aıynyń sońynda elorda turǵyndary e-PIK jobasyna biriktiriledi. Joba kondomınıýmdardyń jumys sapasyn arttyrýǵa, olardyń qyzmetteriniń ashyqtyǵyn qamtamasyz etýge múmkindik berip, keri baılanysty jolǵa qoıady.
Sonymen qatar qala boıynsha PIK-ter reıtıng júrgiziletin bolady. Bul jaıynda «Astana Innovations» AQ basqarmasy tóraǵasynyń orynbasary Jannat Dúbirova málim etti, dep habarlady elorda ákimdiginiń medıa ortalyǵynan.
Onyń aıtýynsha, aqparattyq júıe avtomattandyrylyp, turǵyndarmen PIK-tiń ózara áreketin jeńildetetin bolady. Joba úshin baǵdarlamalyq qamtamasyz etýmen aınalysatyn qazaqstandyq kompanııadan úzdik sheshim iriktep alynǵan.
«Qazirgi ýaqytta elordanyń úsh aýdanynda mobıldi qosymshany belsendi engizý júrgizilýde. Qyzmet kórsetýshi 5 kompanııa arasynda elordalyq 436 PIK bólindi. Joba aıasynda 150-den astam PIK aqparattyq júıege qosyldy», - dedi ol.
Mobıldi qosymsha ótinim berý, turyndardyń PIK-kerge shaǵymdaryn tirkeý syndy túrli qyzmetterdi atqarady.
«Basqarýshy kompanııaǵa qońyraý shalýdyń qajeti joq. Belgili bir qyzmetti alý yńǵaıly ýaqytyńyzdy kórsetip habarlama jiberseńiz jetkilikti», - dedi Dúbirova.
Jańa júıeniń kómegimen turǵyndar PIK-tyń qarjylyq qyzmetin qadaǵalap, biryńǵaı esep aıyrysý ortalyǵynyń túbirtekterine tólem jasaı alady.
J.Dúbirovanyń aıtýynsha, pəter ıeleri kooperatıvteri qazir zańnama boıynsha turǵyndardan jınalǵan qarjy týraly únemi esep berip otyrýy tıis. Biraq, PIK-terdiń kóbi ondaı esep úshin jınalys ótkizbeıdi, ótkizgen kúnniń ózinde turǵyndardyń kóbi ol jınalysqa kele almaıdy. Al «E-PIK» qosymshasy arqyly ərbir turǵyn PIK-terdiń qarjylyq esebin únemi kórip otyrady.
