Astana turǵyndary bir aı boıy qoqys shyǵarý úshin tólenbegen qaryzdy ósimaqysyz óteı alady

ASTANA. QazAqparat - Elorda turǵyndary bir aı boıy qoqys shyǵarý úshin tólenbegen qaryzdy ósimaqysyz óteı alady. "Astana-Tazartý" JShS óziniń bes jyldyǵyna oraı aktsııa ótkizedi, dep habarlaıdy astana.kz.

2015 jylǵy 1 - 28 aqpan aralyǵynda Astana qalasynyń turǵyndary qatty turmystyq qaldyqtardy shyǵarý úshin qaryzdaryn ósimaqysyz óteýge múmkindik alady. Ol úshin kompanııanyń abonenttik bólimderine habarlasyp, kassaǵa qaryzdaryn tóleýge bolady nemese atalmysh bólimge tólemdi rastaıtyn túbirtekti kórsetip, ósimdi joıa alady. Tólemdi ótegen kezde jeke kýáliktiń bolýy shart.

Zańdy jáne jeke tulǵalar úshin abonenttik bólimder kelesi mekenjaılarda ornalasqan:

- "Saryarqa" aýdany, Saryarqa dańǵyly 48. Telefony: 31-60-97;

- "Almaty" aýdany, B. Momyshuly dańǵyly 10, "Rahmet" SÚ, 11 keńse. Telefony: 42-46-56;

- "Esil" aýdany, Saýran kóshesi 1 "G". Telefony: 54-25-36.