Astana turǵyndary aqpan aıynan bastap memlekettik qyzmetterdi ınternet arqyly ala bastaıdy
ASTANA. 20 qańtar. QazAqparat /Gúlmıra Álıakparova/ - Astana qalasynyń turǵyndary aldaǵy aqpan aıynan bastap memlekettik qyzmetterdi ınternet arqyly alý múmkindigine ıe bolady.
Bul týraly elorda ákimdiginen habarlady.
«Aqpan aıynyń basynda elorda ákimdiginde memlekettik qyzmetterdi usynatyn veb-portal on-line rejiminde jumys isteı bastaıdy. Astana turǵyndary eńbekpen qamtý, bilim, turǵyn úı, jer qatynastary jáne taǵy da basqa salalar boıynsha qyzmetterdiń 15 túrin úılerinen shyqpaı-aq paıdalana alady», - delingen taratylǵan habarlamada.
Elektrondy qyzmetterdi usynýdyń jańa júıesiniń eki qaýipsizdik deńgeıi bolady. Olar - saıtqa kirýge múmkindik beretin logındi jáne qupııa sózdi, sondaı-aq ótinimdi rastaý úshin qajetti - jeke elektrondy sandyq qoltańba (ESQ). ESQ Jeke sáıkestendirý nómirleri (JSN) boıynsha beriledi jáne ony elektrondyq úkimettiń e.gov.kz saıtynan ne bolmasa Halyqqa qyzmet kórsetý ortalyqtarynan alýǵa bolady.
Ákimdikten anyqtaǵandaı, ınternet arqyly kórsetiletin qyzmetter tegin bolady.
