Astana turǵyndary aǵashtarǵa nege tor jabylǵanyn túsine almaı júr
ASTANA. QazAqparat - «Astana-Zelenstroı» AQ elorda aǵashtaryna tor jabý sebepterin túsindirdi.
«Astana-Zelenstroı» AQ shyrshalardy kún sáýlesinen qorǵaý úshin profılaktıkalyq sharalar júrgizýde. Qańtar aıynan beri Astanada kún ashyq. Al aqpan-naýryz aılaryndaǵy jylymyqta qylqan shyǵady. Fotosıntez bolyp, oǵan aǵash tinderinde jınalǵan sý jumsalady. Muzdaǵan topyraqtan esh ylǵal kelmeıtindikten, qylqanǵa sý jetispeıdi. Kún sáýleleri de fızıologııalyq nuqsan keltiredi. Sáýir aıynyń ortasy men aıaǵynda topyraq jibip, ósimdik tamyrlary odan ylǵal alatyndyqtan, bul ýaqytta kún sáýleleri qaýip tóndirmeıdi», - dep habarlady kompanııanyń áleýmettik jelidegi resmı akkaýnty.
Mamandardyń aıtýynsha, qalanyń ońtústik, ońtústik-shyǵys jáne ońtústik-batys bóligine, aýyr topyraqqa otyrǵyzylǵan ósimdikterge kóbirek qaýip tónip tur. Ásirese byltyr jáne bıyl otyrǵyzylyp, qala ereksheligine beıimdelip úlgermegen ósimdikter de qater aldynda tur.
