Astana turǵyn úı ınspektsııasy lıft aqaýlarynyń sebepterin atady
ASTANA. QazAqparat - «Astana qalasy turǵyn úı ınspektsııasy basqarmasy» MM-de elordada úılerde lıftiler nelikten isten shyǵa beretinin túsindirdi, dep habarlady «QazAqparat» HAA tilshisi.
Negizgi sebep retinde basqarmada úı ıeleriniń baqylaýynyń joqtyǵy men mamandandyrylǵan uıymdardyń tıisti tehnıkalyq qyzmet kórsetpeýin atady.
«Lıft durys jumys isteýi úshin sapaly qyzmet qajet. Servıstik uıymdy tańdaý kezinde mamandardyń, kásiporynnyń tehnıkalyq múmkindiginiń bolýyna basa nazar aýdarý qajet. Úı ıeleri kóbine baǵasy tómen qyzmet kórsetý uıymdaryn tańdaıdy», - dedi ınspektsııadan.
Óz kezeginde servıstik uıym «Turǵyn úı qatynastary týraly» Qazaqstan Respýblıkasy Zańynyń 42-1-babyna sáıkes úı-jaı ıeleriniń jalpy jınalysynda tańdalady. Sodan keıin PIK pen mamandandyrylǵan lıft uıymy shart jasasady.
Eske salsaq, osy jyly sáýirdiń ózinde «Edem Palas-1» jáne «Edem Palas-2» TK-de lıftter qulady. Adamdar aman.
