Astana turǵynynan 17,6 mln teńge bopsalaǵan er adam 7 jylǵa sottaldy
ASTANA. KAZINFORM — Qala turǵyny jábirlenýshiniń jeke ómirine qatysty málimetterdi taratyp jiberemin dep qorqytyp, odan 17,6 mln teńgeden astam aqsha talap etken. Sot ony 7 jylǵa bas bostandyǵynan aıyrdy.
Sot materıaldaryna sáıkes, sottalýshy jábirlenýshiniń jeke ómirine qatysty málimetterdi paıdalanyp, olardy jarııalaıtynyn aıtyp psıhologııalyq qysym kórsetken. Bopsalaýdy kúsheıtý úshin ol messendjerde ózin quqyq qorǵaý organdarynyń qyzmetkeri retinde tanystyrǵan jalǵan akkaýnt ta qurǵan.
Sol akkaýnt arqyly jábirlenýshini aqsha berýge, ıaǵnı ózi týraly málimetterdiń taralmaýyn «sheshýge» kóndirgen.
Qorqytýlardyń júzege asýynan qaýiptengen jábirlenýshi sottalýshyǵa jalpy somasy 17,6 mln teńgeden astam aqsha bergen.
Sotta memlekettik aıyptaýshy sottalýshynyń kinásin dáleldeıtin barlyq qajetti dáleldemelerdi usyndy. Nátıjesinde er adam 7 jylǵa bas bostandyǵynan aıyryldy.
Aıta keteıik, úkim áli zańdy kúshine engen joq.
Eske salaıyq, buǵan deıin SQO-da zańsyz mıkroqarjylyq qyzmetpen aınalysqan turǵyn sottalǵanyn habarlaǵan edik.
