Astana turǵyny jalǵan chekpen bazardan taýar alyp júrgen
ASTANA. KAZINFORM — Astanada jalǵan tólem chegin kórsetip, bazardaǵy satýshylardy aldap júrgen 34 jastaǵy turǵynnyń zańsyz áreketi áshkere boldy.
Tergeý kezinde anyqtalǵandaı, kúdikti saýda oryndaryn ádeıi aralap, ózin qarapaıym satyp alýshy retinde tanystyrǵan. Kókónis pen jemis-jıdek tańdaǵan soń, aqshany mobıldi qosymsha arqyly aýdarǵandaı keıip tanytyp, qoldan jasalǵan tólem chegin kórsetken. Aqsha shotqa tústi dep sengen satýshylar taýardy kúdiktige óz qolymen bergen.
— Bul — onyń alǵashqy alaıaqtyǵy emes. Kúdikti buǵan deıin de dál osyndaı aılamen birneshe saýdagerdi aldaǵany anyqtaldy. Qazirgi ýaqytta onyń ózge de osyǵan uqsas qylmystarǵa qatysy bar-joǵy tekserilip jatyr, — dep habarlady polıtsııa.
Atalǵan fakti boıynsha sotqa deıingi tergeý júrgizilip jatyr.
Polıtsııa saýdagerler men kásipkerlerge tólemniń naqty bank shotyna túskenine kóz jetkizbeıinshe, taýardy satyp alýshyǵa bermeýdi eskertti.
Eske salaıyq, buǵan deıin Astanada er adam buryn ózi kúzetken nysannan 21 mln teńgeniń kabelin urlap ketkenin jazǵanbyz.
