Astana turǵyny Pavlodarda jeńgetaılyqpen aınalysqany úshin sottaldy

ASTANA. KAZINFORM — 28 jastaǵy qyz onlaın túrde zańsyz bıznes uıymdastyrǵan. Ol ózi Astanada otyryp, Pavlodardaǵy klıentterden tapsyrys qabyldaǵan, dep habarlaıdy Kazinform tilshisi.

Materıaldar Pavlodardaǵy aralas aýdanaralyq sotta jabyq rejımde qaraldy. Astanalyq turǵyn 2025 jylǵy tamyzda zańsyz bıznesti uıymdastyryp, alty áıeldi jumyspen qamtyǵan. Olardyń ıntımdik qyzmetterinen túsken tabystyń 30%-yn ustap otyrǵan. Qyzmettiń quny 20–30 myń teńge aralyǵynda bolǵan.

Kúdiktini ustaý Pavlodar polıtsııasy arnaıy uıymdastyrǵan operatsııa kezinde júzege asyrylǵan. ıAǵnı bir áıelge arnaıy daıyndalǵan klıent jiberilip, qyzmet kórsetilgeni beınekamera men dıktofon arqyly tirkelgen. Osydan keıin tolyqqandy tergeý bastalǵan.

Sot barysynda aıyptalýshy óz kinásin moıyndady.

— Aıyptalýshyny QK 309-baby, 2-bólim, 3-tarmaq boıynsha qylmystyq quqyq buzýshylyq jasaǵany úshin kináli dep tanylsyn jáne ony orta qaýipsizdik deńgeıindegi jazalaý oryndarynda úsh jylǵa bas bostandyǵynan aıyrý jazasyn taǵaıyndalsyn, — dep úkim kesti Pavlodar qylmystyq ister boıynsha aralas aýdanaralyq sotynyń sýdıasy Órnek Ábjaparov.

Astanalyq qyzǵa jazany óteýdi 5 jylǵa keıinge qaldyrý berildi. Bul sheshim onyń qaraýynda kámeletke tolmaǵan balalarynyń bolýyna baılanysty qabyldanǵan.

Eske salaıyq, buǵan deıin Semeıde pavlodarlyq ofıtserge áskerge shaqyrylýshylarǵa áskerı qyzmetten keıinge qaldyrýǵa «kómekteskeni» úshin úkim shyǵarylǵan edi.