Astana turǵyny LRT vagonynyń ishin kórsetip, vıdeo jarııalady

 ASTANA. KAZINFORM – Áleýmettik jelilerde LRT vagonynyń ishinde túsirilgen beınejazba tarady.

Rolık avtory poıyzdyń ishki bezendirilýin kórsetip, salonnyń zamanaýı dızaıny men jaılylyǵyn atap ótken. Ekrannan arǵy jaǵyndaǵy daýys ózi kórgen beınege túsinikteme berip, tańdanysyn jasyrmaıdy.

Kadrlardan oryndyqtar vagonnyń qabyrǵasy boıymen ornalasqanyn, ortasy keń, erkin ótýge bolatynyn kórýge bolady.

Mashınıstiń aımaǵy jeli qoldanýshylarynyń erekshe nazaryn aýdardy. Beınejazbada ol jolaýshylar bóliminen bólinbegen. Bul kórinis qyzý pikirtalas týdyrdy.

Astanada LRT jobasy birtindep aıaqtalýǵa jaqyn. Al qala turǵyndary poıyzdyń synaq júristerin qazirdiń ózinde baqylap otyr.

Aıta keteıik, LRT júıesine qyzmetkerler iriktelip jatyr.