Astana turǵyndarynyń 41%-ǵa jýyǵy sportpen turaqty aınalysady
ASTANA. KAZINFORM - Sońǵy eki jylda Astanada dene shynyqtyrý jáne sportpen turaqty aınalysatyn turǵyndar sany 75 myńnan astam adamǵa artty. Bul týraly qala ákimdiginiń Dene shynyqtyrý jáne sport basqarmasy habarlady.
Basqarma málimetinshe, dene shynyqtyrý jáne sportpen júıeli túrde aınalysatyndar sany:
- 2023 jyly – 551 692 adam;
- 2024 jyly – 601 200 adam;
- 2025 jyly – 627 057 adamǵa jetken.
– Osylaısha, 2024 jyly turaqty sportpen aınalysatyndar qatary 49,5 myń adamǵa artsa, 2025 jyly taǵy 25,9 myń adamǵa kóbeıgen. Eki jyldaǵy jalpy ósim 75 365 adamdy nemese shamamen 14% boldy, - dep habarlady atalǵan vedomstvo.
Bul kórsetkishti elorda halqynyń jalpy sanymen salystyrǵanda, sportpen turaqty aınalysatyndardyń úlesi de arta túsken. Esep boıynsha, 2023 jyly bul kórsetkish shamamen 38% bolsa, 2025 jyly 41%-ǵa jýyqtaǵan.
Aıta keteıik, basqarma 2026 jylǵa qatysty eshqandaı derek usynǵan joq.
Kórsetkishtiń qalaı esepteletinine qatysty vedomstvo memlekettik statıstıkalyq esepke alý ádistemesi qoldanylatynyn túsindirdi.
– Oǵan sport sektsııalary, klýbtar, fıtnes ortalyqtary jáne basqa da uıymdastyrylǵan dene shynyqtyrý sabaqtaryna turaqty qatysatyn turǵyndar engiziledi. Esepke qajetti málimetterdi sport uıymdary men jergilikti atqarýshy organdar usynady, - delingen habarlamada.
Astananyń álemdik sport ortalyqtarynyń birine aınalý joly týraly tolyǵyraq myna materıaldan oqı alasyz.
