Astana turǵyndary Ulttyq mýzyka kúnin atap ótti
ASTANA. KAZINFORM — Qazaqstannyń mádenı aptalyǵy aıasynda elordada Mýzyka kúni ótti. Bul týraly Astana ákimdiginiń resmı saıty habarlady.
Astanadaǵy Qazaqstannyń mádenı aptalyǵynyń tórtinshi kúniniń taqyryby ulttyq mýzykaǵa arnaldy. Esil ózeniniń jaǵalaýyndaǵy sahnada elordanyń jastar toptary men ártisteri, onyń ishinde tanymal Q-rock toby jáne «Qazaqstan daýysy» jobasynyń qatysýshylary óner kórsetti.
Elorda turǵyndary men qonaqtary túrli janrlar men stılderdegi jandy mýzykany tamashalady.
«Qazaqstannyń mádenı aptalyǵy – tarıhymyzben, dástúrlerimizben tanysýǵa tamasha múmkindik. Ózen jaǵasyndaǵy mýzyka kúni – bul qalany erekshe qýanyshqa toltyratyn oqıǵa. Ózim barlyq is-sharalarǵa qatysyp júrmin, mádenıetimizdi maqtan tutamyn», – dedi elorda turǵyny Gúlraýshan Esjanqyzy.
Sonymen qatar, jaǵalaýda ulttyq kıimder men óner kórmesi jalǵasýda, onda biregeı eksponattardy kórýge jáne Qazaqstannyń baı mádenı murasymen tanysýǵa bolady.
Qazaqstannyń mádenı aptalyǵy elorda kúnin merekeleý aıasynda ótip, 8 shildege deıin jalǵasady.
Apta boıy qonaqtar Qazaqstannyń baı mádenı murasyn beıneleıtin túrli ártisterdiń qoıylymdaryn tamashalaı alady.
