«Astana turaq keńistigi» jańa ınvestorǵa berile me — ákimniń jaýaby

ASTANA. KAZINFORM — Astana ákimi elordadaǵy aqyly turaqtar jańa ınvestorǵa berilýi múmkin degen málimetterdi teriske shyǵardy.

Mundaı suraq Saraıshyq aýdany turǵyndarymen qala ákiminiń kezdesýinde qoıyldy.

— Keshe Básekelestikti qorǵaý jáne damytý agenttigi «Astana turaq keńistigi» mekemesin jekeshelendirý týraly keńes bergeni týraly aqparat tarady. Buǵan deıin siz kerisinshe ol mekeme kommýnaldyq menshikke beriletinin habarlaǵan edińiz. Sol sheshim ózgerdi me, — dep surady jýrnalıst.

Ákim aqyly turaqtardy jańa ınvestorǵa berý máselesi kún tártibinde joq ekenin málim etti.

— Men osydan 2-3 aı buryn aldyn ala habarlaǵan edim. «Astana turaq keńistigi» mekemesin kommýnaldyq menshikke ótkizetinimizdi aıtqanmyn. Bul máselemen Kólik basqarmasy tikeleı aınalysady. Qazirgi tańda ınvestormen kelisimshartty toqtatý baǵytynda jumys júrip jatyr. Mekeme kommýnaldyq menshikke beriledi, — dedi Jeńis Qasymbek.

Buǵan deıin mekemeniń múlkin túgendeý jumystary júrip jatqany málim bolǵan edi.