Astana túbindegi jol apatynan zardap shekkender arasynda «Arystan» hokkeıshisi Artem Grachev bar
ASTANA. 21 tamyz. QazAqparat - Aqmola oblysynyń túbinde bolǵan jol apatynyń saldarynan temirtaýlyq «Arystan» hokkeıshisi Artem Grachev zardap shekti, dep habarlaıdy Vesti.kz.
Sportshy jedel medıtsınalyq kómek respýblıkalyq ǵylymı ortalyǵynyń neırohırýrgııa bólimine jatqyzyldy. Qamqorlyǵyndaǵy oıynshysynyń jaǵdaıy týraly «Arystannyń» bas jattyqtyrýshysy Vıacheslav Belan hokkeıshiniń tek esin jınaǵanynan ǵana habardar. Birneshe saǵattan keıin ony kóre alady.
«Dárigerler ázirshe eshteńe aıtpaıdy, sonda ózimiz barǵymyz keledi. Eger oǵan dári-dármek nemese taǵy basqa birdeńe kerek bolsa, mindetti túrde kómektesemiz. Onyń esin jınaǵanyn ǵana bilemin», - dedi V.Belan.
Esterińizge sala keteıik, aǵymdaǵy jyldyń 19 tamyzynda shamamen saǵat 20:50-de Almaty-Ekaterınbor tas jolynyń 1309-shy shaqyrymynda iri jol apaty boldy, sonyń saldarynan 16 adam qaza taýyp, 20-dan astamy jaraqattar aldy.
