Astana túbindegi Qoıandy aýylynda zańsyz basyp alynǵan jer telimderi 150-den asyp ketken
ASTANA. QazAqparat - Aqmola oblysy ákimdiginen habarlaǵandaı, Qoıandy aýylynda óz erikterimen basyp alynǵan 167 jer telimi tirkeldi.
«2008 jyly zańsyz salynǵan qurylystardy buzý týraly 15 sot sheshimi shyqty. 2014 jyly 30 qyrkúıekte Qoıandy aýyldyq okrýginiń ákimi Tselınograd aýdandyq sotyna zańsyz alynǵan jer ýchaskeleri týraly 6 aryz bergen», - dep kórsetilgen habarlamada.
Qazirgi ýaqytta Qoıandy aýylynda 12-den astam jer telimi bosatyldy.
14 qazanda Tselınograd aýdanynyń jergilikti atqarý organynyń kúshimen Tselınograd aýdanynyń Qoıandy aýyldyq okrýginde zańsyz salynǵan keıbir qurylystar buzyldy, sonymen birge Shubar aýylynda jer ýcheskelerin óz erkimen basyp alýdaǵy zań buzýshylyqtar joıyldy.
Eske sala keteıik, Astana qalasynyń qala mańynda 30 shaqyrymdyq aýmaqtaǵy eldi mekenderde jeke turǵyn úı qurylysy úshin jer telimderin berýge moratorıı jarııalanǵan.
