Astana túbinde «QUMAI» arheologııalyq-etnografııalyq kesheni landshafty murajaıyn qurý jobasy júzege asyrylady
ASTANA, 11 qyrkúıek. QazAqparat - 12 qyrkúıek kúni Astanada ashyq aspan astyndaǵy landshafty murajaı men ǵylymı ortalyq qurý jobasy
(avtory - t.ǵ.d., arhelog-túrkolog, 5 monografııa men 70-ten astam ǵylymı maqalanyń avtory, «Nazarbaev ortalyǵy» MM memlekettilik, qaýipsizdik máseleleri jáne damý ınstıtýtynyń bas ǵylymı qyzmetkeri Aıman Dosymbaeva) jáne «QUMAI» túrktik arheologııalyq-etnografııalyq kesheni» kitabynyń (avtorlary - Aıman Dosymbaeva jáne «Nazarbaev ortalyǵy» MM memlekettilik, qaýipsizdik máseleleri jáne damý ınstıtýtynyń jetekshi ǵylymı qyzmetkeri Ábdinur Nusqabaı) tusaýkeseri L.Gýmılev atyndaǵy Eýrazııa ulttyq ýnıversıtetinde ótedi.
Bul týraly «Nazarbaev ortalyǵynyń» baspasóz qyzmeti habarlady.
Joba boıynsha, ashyq aspan astyndaǵy murajaı Astana qalasynan 124 shaqyrym qashyqtyqta «Buırataý» memlekettik ulttyq tabıǵı parkindegi Qumaı ózeniniń sol jaǵalaýynda Qaraǵaıly aýylyna taıaý, «QUMAI» arheologııalyq-etnografııalyq kesheniniń aýmaǵynda ornalasady.
Іs-sharaǵa qatysatyn qonaqtarǵa 4 ǵasyrdan astam tarıhy bar kóne jáne orta ǵasyrlyq qola, erte temir (saq dáýiri), ǵun jáne túrk kezeńi eskertkishterine saıahat jasaýǵa múmkindik jasalyp otyr.
Jobanyń tusaýkeserine Túrkııa tarapynan: Qazaqstandaǵy Túrkııa Respýblıkasynyń Tótenshe jáne Ókiletti elshisi Omer Býrhan Týzel, Túrkııa Respýblıkasy Úkimeti janyndaǵy yntymaqtastyq jáne úılestirý agenttiginiń Qazaqstandaǵy ókili (TІKA) Evren Rýtbıl jáne elshilik qyzmetkerleri men dıplomattar qatysady.
Qazaqstan tarapynan: QR UǴA akademıkteri M.Joldasbekov, O.Ismaǵulov, L.Gýmılev atyndaǵy EUÝ rektory E.B.Sydyqov, senator Ǵ.Esim, «Nur Otan» HDP hatshysy E.Qarın, t.ǵ.d., professorlar T.S. Sadyqov, Z.E.Qabyldınov, D.R.Aıtmaǵambetov, A.M.Dosymbaeva, Z.S.Samashev, V.F.Zaıbert, Túrk Akademııasynyń rektory, d.f.n., professor Sh.Ibyraev, ıÝNESKO sarapshysy V.A.Novojenov jáne t.b. ǵalymdar, stýdentter men magıstrant, doktoranttar qatysady.
Jobanyń tusaýkeseri Qazaqstannyń tarıhı-mádenı muralaryn keńinen nasıhattaý; QR týrıstik klasterin ınnovatsııalyq damytý; aýyldy, dástúrli kásipti órkendetý (qaıta jańǵyrtý) jáne jańa jumys oryndaryn ashý; óskeleń urpaqqa patrıottyq tárbıe berý maqsatynda uıymdastyrylyp otyr.
Uıymdastyrýshylary: «Nazarbaev ortalyǵy» kóp fýnktsııaly ǵylymı-taldamalyq jáne gýmanıtarlyq-aǵartýshylyq memlekettik mekemesi, Túrkııa Respýblıkasy Úkimeti janyndaǵy yntymaqtastyq jáne úılestirý agenttigi (TIKA), L.N.Gýmılev atyndaǵy Eýrazııa ulttyq ýnıversıteti.
