Astana túbinde ıtterge arnalǵan «Olımpıada» ótti (FOTO)
ASTANA. QazAqparat - Táýelsizdik kúninde elorda túbinde «Jibek joly» degen atpen ıt jarystyrýdan Astana chempıonaty ótti.
Qala mańyndaǵy «Jibek Joly» aýylynda Qaraǵandy, Semeı, Temirtaý, Pavlodar, Shahtınsk jáne Astana qalalarynan jınalǵan ıt asyraýshylar senimdi serikterin synǵa saldy.
Itter men olardyń ıeleri birneshe jarys túrlerine qatysty. Jarys qashyqtyǵy 602 metrden 1 shaqyrymǵa deıin jetti. Itter jegilgen shanalarǵa úlkendermen qatar kishkentaı balalar da otyryp, óner kórsetti.
