ASTANA TRIATHLON half týrnırine baılanysty birqatar kóshede kólik qozǵalysy shekteledi

ASTANA. KAZINFORM – 13 shilde kúni elordanyń Ortalyq saıabaǵynda aýqymdy sporttyq shara – ASTANA TRIATHLON half týrnıri ótedi. Osyǵan baılanysty birqatar kóshede kólik qozǵalysy ýaqytsha shekteledi, dep habarlaıdy qala ákimdiginiń resmı saıty.

Jarys Ortalyq saıabaqtan bastalyp, Ilınka aýmaǵynda aıaqtalady. Qatysýshylar kelesi úsh kezeńnen ótedi:

júzý – 1,9 km;

velojarys – 90 km;

júgirý – 21,1 km.

Іs-sharanyń ótýine baılanysty, ásirese velojarys baǵyty ótetin kóshelerde qala kósheleriniń keıbir ýchaskelerinde kólik qozǵalysy ýaqytsha shekteledi.

Velojarys baǵyty:

Bastalýy – Ortalyq saıabaq (Ortalyq jaǵajaı mańy);

Turan dańǵylyna shyǵyp, kópir astymen solǵa burylý;

Turan dańǵylymen Qorǵaljyn tasjolyna deıin (oń jaq jolaqpen) júrý;

Qorǵaljyn tasjolynan ońǵa burylyp, aınalma jolǵa deıin júrý (oń jaq jolaq);

Aınalma jolǵa solǵa burylyp, qarsy baǵyttaǵy jolaqpen júrý;

Keıin 3 sheńber boıynsha Qorǵaljyn tasjolynan Qosshy (Qarqaraly) baǵytyna deıin – sol jaq jolmen júrý;

Sheńberlerdi aıaqtaǵan soń, qaıtadan Qorǵaljyn tasjolyna túsip, Ilınka jaqtan velojolǵa kirý;

Máre syzyǵy velojol boıyndaǵy veloprokat turaǵy. Júgirý kezeńi velojol aýmaǵynda ótedi.

Qala turǵyndary men qonaqtarynan aldaǵy kúnderi jol júrý baǵytyn aldyn ala josparlap, ýaqytsha ózgeristerdi eskerýdi suraımyz.

Qosymsha aqparatty qalalyq trıatlon federatsııasynyń Instagram jelisindegi @astana_triathlon resmı paraqshasynan alýǵa bolady.

Eske salsaq, osyǵan deıin elordada ASTANA TRIATHLON half týrnıri ótetinin habarlaǵan edik.