Astana tórinde «Shashý» halyqtyq bı ansambli mereıtoılyq kesh ótkizdi
ASTANA. 24 qarasha. QazAqparat - «Shashý» halyqtyq bı ansambli Astanadaǵy Beıbitshilik pen kelisim saraıynda mereıtoılyq kesh ótkizdi. Bıyl ansambl 25 jasqa toldy. Osy ýaqyt aralyǵynda shyǵarmashylyq ujym Ýkraına, Reseı, Vengrııa, Túrkııa elderinde bolyp, kóptegen halyqaralyq festıvalder men baıqaýlardyń jeńimpazy atanǵan.
Bul týraly elordanyń resmı saıtynan habarlady.
25 jyl buryn ansambl quramynda sanaýly ǵana adam bolsa, búginde ár ulttyń bıin úlken óner ujymy oryndaıdy. Olardyń qatarynda kishkentaı balalar da, tájirıbeli jastar da bar.
Óner ujymynyń aty elimizde ǵana emes, alys-jaqyn shetelge de jaqsy tanys. Ansambldiń sońǵy jetistikteriniń biri Túrkııa Prezıdenti men Premer-Mınıstriniń qabyldaýynda bolyp, Ózbekstanda ótken V halyqaralyq zamanaýı bı men sporttyq plastıka baıqaýynyń laýreaty atanyp, 3-oryndy jeńip alǵanyn aýyz toltyryp aıtýǵa bolady. Búginde ansambl repertýarynda 60-tan astam bıdiń túri bar. Óner ujymyn mereıtoıymen quttyqtaýǵa elimizge tanymal ártister keldi.
