Astana tórinde «Qazaǵymnyń án-jyry, kóńilimniń jan nury» atty dástúrli án kontserti ótedi

Bul óner sheberleriniń qatysýmen ótetin keshke áıgili «Qońyr» toby qatysady.

Elorda kórermenderi aldynda QR Halyq ártisi Qajybek Bekbosynov, Qazaqstannyń eńbek sińirgen qaıratkeri, tanymal aıtys aqyny, ánshi Qatımolla Berdiǵalıev, elimizdiń eńbek sińirgen ártisi Sáýle Taýdaeva ataqty sazger Muhıt Meráliuly men Ǵarıfolla Qurmanǵalıevtiń ánderin shyrqaıdy dep kútilýde.

Sonymen qatar Qazaqstannyń eńbek sińirgen ártisi, belgili ánshi Qapash Qulysheva men elimizdiń eńbek sińirgen mádenıet qaıratkeri Svetlana Myrzabaeva qazaq kompozıtorlarynyń dástúrli ánderin oryndaıdy.

Sondaı-aq ashyq daýysymen elge tanylyp júrgen Jańabaı Ótegenov pen Danııar Saǵyntaevtar jınalǵan óner súıer qaýym aldynda asqaq ánder shyqraıdy.

Bul kontsertke Qazaq ulttyq óner ýnıversıtetiniń án bóliminiń stýdentteri de qatysatyny josparlanyp otyr.
Atalǵan sharany uıymdastyrýshy - «Óner» mádenıetti qoldaý qory.