Astana Tomskimen áýe saparlaryn jandandyrdy
ASTANA. QazAqparat - Búgin SCAT áýe kompanııasy Tomsk-Astana baǵdary boıynsha reısterdi oryndaýǵa kirisedi, dep habarlandy Reseıdegi QR elshiliginiń saıtynda.
Áýe saparlary aptasyna eki ret oryndalady, ıaǵnı dúısenbi men beısenbi saıyn CRJ200 ushaǵy qalalardyń arasyn baılanystyrady.
Aıta keteıik, osyndaı reıster buǵan deıin de júzege asyrylǵan edi, alaıda 2016 jáne 2017 jyldary toqtap qaldy.
Astanadan Tomskige qaraı reıster saǵat 13:10-da (jetý ýaqyty saǵat 15:55-te) baǵyt alsa, al keri baǵytta saǵat 16:50 kezinde (Astanaǵa saǵat 17:30-de jetedi) iske asyrylady. Ýaqyt árbir áýejaıǵa jergilikti merzimmen kórsetilgen.
Ushý ýaqyty 1,5 saǵatqa jýyq. Bılettiń bir jaǵyna quny 7 myń rýbl (35 myń teńge).
Kópten kútilgen reıstiń Astanaǵa qaıta jandanýy stýdentterge úılerine qaraı jol ýaqytyn qysqartady, sonymen qatar iskerlik ári týrıstik saparlardy aıtarlyqtaı qolaıly etedi.
