Astana-Tomsk baǵytynda áýe baǵdary ashyldy
ASTANA. QazAqparat - SCAT áýe kompanııasy Astana-Tomsk baǵytynda turaqty reıs ashty, dep habarlaıdy kompanııanyń baspasóz qyzmetinen.
Bul baǵyttaǵy alǵashqy ushaq 2 maýsymda ushty. Áýe kompanııasynyń málimetinshe, reıster Bombardier CRJ-200 ushaǵymen ár dúısenbi saıyn júzege asyrylady. Elordalyq jolaýshylarǵa orta joldan Almaty, Shymkent jáne Atyraý qalalarynyń turǵyndary qosyla alady dep atap ótilýde. Ushý ýaqyty - 1 saǵat 50 mınýt. « Tomsk áýejaıy » JShQ dırektory Roman Frolenkonyń atap ótýinshe, bul Qazaqstannan ushatyn alǵashqy turaqty reıs.
Alǵashqy jolaýshylardy Tomsk áýjaıynda saltanatty túrde qarsy aldy. Tomsk oblysyndaǵy qazaq avtonomııasynyń qoǵamdyq ulttyq-mádenı uıymynyń qoldaýymen kontserttik baǵdarlama uıymdastyryldy.
