«Astana» «Tobyldan» jeńilip qaldy

ALMATY. KAZINFORM - «Astana» fýtbol klýby Qazaqstan Premer-lıgasynyń HHV týrynda «Tobylǵa» jeńilip, bas júldege talasty qıyndatyp aldy.

Elordalyq klýb bıyl chempıondyqqa talas júrgizip keledi. Olardyń basty qarsylasy - almatylyq «Qaırat». Atalǵan týrda almatylyq ujym óz alańynda shymkenttik «Ordabasyny» 2:1 esebimen tize búktirip, bas júldege jaqyndaı tústi.
Al «Astana» bul joly Qostanaıdyń «Tobylyna» 0:1 esebimen ese jiberdi. Kezdesý taǵdyryn 51-mınýtynda Igor Ivanovıch soqqan jalǵyz gol sheshti.
Chempıondyq ataq taǵdyry sońǵy týrda sheshiletin boldy. Bul joly 10 qarashada «Qaırat» syrt alańda «Atyraýmen» kezdesse, «Astana» «Jetisýmen» oınaıdy.
Aıta ketsek, búgin «Shahter» «Aqtóbege» 1:3, «Jetisý» «Atyraýǵa» 0:2 esebimen jol berse, túrkistandyq «Turan» men elordalyq «Jetisý» 1:1 esebine qanaǵat bildirdi.
2 qarashada Petropavldyń «Qyzyljary» óz alańynda Qyzylordanyń «Qaısaryn» 6:2 esebimen súrindirdi.