«Astana-Teplotranzıt» qyzmetter tarıfin kóterýdi usyndy

Elordalyqtar «Astana-Teplotranzıt» AQ engizgeli otyrǵan ózgeristerdi talqylady, dep habarlaıdy Kazinform.

«Astana-Teplotranzıt» AQ-nyń qoldanystaǵy tarıfi men tarıftik smetasy 2023 jylǵy 1 shilde de qoldanysqa engizildi.

Bekitilgen tarıfti ózgertý úshin sýbekt ýákiletti organǵa ótinim beredi.

«Astana-Teplotranzıt» AQ tarıfti kóterýge negiz retinde mynadaı derekterdi keltiredi:

- 1,33 mlrd teńge somasyna qosymsha ınvestıtsııalar;

- strategııalyq taýarlardyń qunyn 567,8 mln teńge somasyna ulǵaıtý (shyǵyndar);

- elektr energııasyna jumsalatyn shyǵystardy 562 mln teńgege ulǵaıtý;

- Bir jyl ishinde statıstıka derekteri boıynsha qalyptasqan óńirdegi (qaladaǵy) ekonomıkalyq qyzmet túrleri boıynsha bir qyzmetkerdiń ortasha aılyq jalaqysynyń 2,5 mlrd teńge somasyna ózgerýi;

- JAO-dan rettelip kórsetiletin qyzmetterdi usynýdyń tehnologııalyq tsıklinde paıdalanylatyn obektilerdi teńgerimge alý (teńgerimge berilgen 183,7 km jylý jelilerin ustaýǵa);

Sýbektiniń jobasyna sáıkes, joǵaryda kórsetilgen negizder tarıftiń 25,2% - ǵa ulǵaıýyna áser etedi (QQS-syz ortasha tarıftiń 1 466,83 teńge/Gkal-dan ózgerýi). 1 836 teńgege deıin / Gkal)

«Sizderden tarıfti 25% ulǵaıtýdy suraımyz, bul aqshalaı túrde 1 836 teńge»,-dedi «Astana-Teplotranzıt» AQ basqarma tóraǵasynyń orynbasary Áset Shámkenov.

Onyń aıtýynsha, tarıfti kóterý normatıvtik tehnıkalyq shyǵyndardy 0,1% óteýge, bilikti kadrlardy saqtap qalýǵa múmkindik beredi. Tabıǵı monopolııalar salasynda sapaly qyzmetter kórsetýge áser etýi tıis.

Túpkilikti sheshim tabıǵı monopolııalar týraly zańnama aıasynda qabyldanady.