«Astana-Temirtaý» jolynda qozǵalysqa shekteý engizilýi múmkin - QazAvtoJol
Aýa raıynyń nasharlaýyna baılanysty «Astana-Temirtaý» avtojolynda qozǵalysqa shekteý engizilýi múmkin, dep habarlaıdy "QazAvtoJol" AQ baspasóz qyzmeti.
"Respýblıkanyń ortalyq aımaǵyna qaraı ótetin tsıklondy eskere otyryp, respýblıkalyq mańyzy bar «Astana-Temirtaý» avtojolynda qozǵalysqa shekteý engizilýi múmkin ekenin habarlaımyz.
Osyǵan oraı, qurmetti, respýblıkalyq mańyzy bar avtojoldardy paıdalanýshylar, aýa-raıy jaıly aqparatqa nazar aýdaryp, saparyńyzdy aldyn ala josparlaýyńyzdy suraımyz, sonymen qatar kólik qozǵalysyn qamtamasyz etý úshin jol qozǵalysy erejelerin saqtaýyńyzdy suraımyz!" delingen habaarlamada.
Respýblıkalyq mańyzy bar avtojoldardaǵy ahýal týraly bar aqparatty «QazAvtoJol» AQ-nyń táýlik boıy jumys isteıtin biryńǵaı baılanys ortalyǵynyń 1403 qysqa nómirine qońyraý shalý arqyly bilýge bolady.
Sonymen qatar, Respýblıkalyq avtomobıl joldary ulttyq operatorynyń resmı saıtyndaǵy sıtýatsııalyq kartadan da kóre alasyzdar.
Aıta keteıik, buǵan deıin Elimizdiń eki oblysynda respýblıkalyq mańyzy bar avtojoldardyń 2 ýchaskesinde kólik qozǵalysyna shekteý engizilgenin habarlaǵan edik.
